Då er semesteret i gang, og me byrjar med matpakkesamlingar igjen til veka. Du vil finna oss i den gamle røykeavdelinga på Frederikke (der dei ikkje sel mat) onsdagar kl 12. Alle som kjem får ein kopp kaffi/te/kakao av Studentmållaget.
Håpar å sjå dykk der!
Me sende for eit par veker sidan ut eit haustbrev på e-post til dei som er på e-postlista vår. Her kjem brevet slik at alle kan sjå kva me skal finna på framover:
Gode medlem!
No er hausten i gang, og det er og arbeidet i Studentmållaget, so her kjem litt informasjon om kva me skal driva med i haust, og om vervekampanjen vår som nett har starta.
Studiemøte:
19. oktober, kl 16.30-18.30, seminarrom U36 på Helga Engs hus, Blindern
Ole Våge til oss for å oppsummera Idéseminaret til Språkrådet, Korleis skal vi vedlikehalde og vidareutvikle norsk fagspråk?, og for å sjå kva me som studentmållag kan gjera for å retta fokuset mot norsk fagspråk og fagterminologi.
Etter møtet vert det pizza og brus til alle deltakarar.
Vil du lesa meir om Idéseminaret kan du fylgja denne lenka:
http://språkrådet.no/nb-NO/Tema/Terminologi-og-fagspraak/Kalender/Ideseminar/
Grautkveld:
Grautkvelden vert i år 27. oktober, kl 19.00 i Valdresstova på Sogn studentby. Det vert graut og speikemat, lesing av Grauten på grut, loddtrekning og kviss. Inngangspengane for gildet er berre 30,-
Teatertur:
I november tek me turen til Det Norske Teatret for å sjå stykket Bondestudentarø. Du betalar berre 100,- for billetten, Studentmållaget spanderer resten! Dato er enno ikkje fastsett, men me kjem tilbake med både dato og på- og avmeldingsfrist.
Nynorskkurs:
I november skipar me og til nynorskkurs på Blindern Meir informasjon kjem.
Juleavslutting:
Årets siste arrengement vert juleavslutting 10. desember,
Elles:
Høgnorskringen og Måldyrkingslaget byd inn til studiemøte om uttalereglar i norsk fyrstkomande onsdag, 5. oktober, kl 18.00 i seminarrom 8 i P. A. Munchs hus på Blindern. Alle interesserte er ynskja velkomen!
Oslo Mållag arrangerer Målbar 6. oktober: «Oslo i nynorsklitteraturen: Sidrumpa austlandsbygd eller (mål)politisk Sodoma?» ved Jens Kihl på Colletts Café kl 19.00.
Sist, men ikkje minst!
Vervekampanje:
1. oktober startar årets vervekampanje. For å sørga for at me framleis skal vera det største og beste lokallaget i NMU, er det viktig at nettopp du er med og vervar! Som belønning kan du få desse premiane:
Verva
Premie
1
Handlenett med “Eg <3 Nynorsk” på
2
T-skjorte
3
Gåvekort på middag på SiO-kantiner
5
Gåvekort på 1000 kr på Akademika
Vervingar du sender inn mellom 1. oktober og 30. november tel med i kampanjen. Dei nye medlemene må vera under 26 år og må ha betalt medlemspengane innan slutten av kampanjen for at du skal få premie for dei.
For å registrera vervingane, gå til http://malungdom.no/meld-deg-inn/. Du kan òg ta kontakt med oss for å få verveblokkar om du vil.
Det går an å «kombinera» vervepremiane, so om du har verva 3 stykk, kan du anten frå 3 stk handlenett, 1 handlenett og 1 t-skjorte eller gåvekort på middag i SiO-kantiner. Du må difor ta kontakt med oss på studentmaallaget@studorg.uio.no, når du vil ha ut vervepremien din og fortelja oss kor mange du har verva, og kva premie du vil ha.
Skulle du ha spørsmål er det berre til å ta kontakt på studentmaallaget@studorg.uio.no, eller med leiar Tina Fauskanger på tlf: 98483360.
Lukke til!
Informasjon om alt som hender i Studentmållaget i Oslo i haust kan du og etter kvart finna på www.smio.no og gruppa vår på Fjesboka!
Beste helsing
Studentmållaget i Oslo
SmiO skal ha medlemsfest torsdag 29. september. Info om stad kjem på Facebook (fylgj oss på http://www.facebook.com/pages/Studentm%C3%A5llaget-i-Oslo/112372062202312)
Me har matpakkesamlingar tysdagar kl. 11 i Fredrikke-kantina på Blindern. Andre tilskipingar som skjer denne hausten kan du finna under «tilskipingar«.
Studentmållaget avsluttar semesteret med grilling i parken på St. Hanshaugen sundag 5. juni. Oppmøte ved St. Hanshaugen busstopp kl. 16.00, men det er berre til å hiva seg på seinare.
Studentmållaget stillar med eingongsgrillar, grillpølser(med dei basistinga som høyrer til) og maiskolber. Ynskjer du å eta noko anna, er det berre til å ta med, for det er plass på grillen. Me tenner grillen ca 16.30, so kjem du etter 17.30 er det ikkje sikkert at det er meir liv i grillen(men det er berre til å ta med ein sjølv om so skulle vera, me held deg likevel med selskap)
Det vert kviss med premie til vinnarlaget.
Etter grilling tek me turen vidare til La Boheme, like nedi vegen.
Vert det dårleg ver, vert det inga grilling, og me går rett på La Boheme.
Om du ikkje finn oss er det berre til å kontakta Tina på 98 48 33 60.
Det einaste du må ha med er deg sjølv, godt humør, og det du ynsjer å drikka.
Håpar å sjå deg der!
Lyst til å friska opp nynorskkunnskapane før eksamen? Kom på gratis nynorskkurs med Ingar Arnøy.
Kurset er på tysdag 3. mai kl. 17.00-21.00, i seminarrom 1, PA Munchs hus, på Blindern. Det vert gratis pizza til alle på kurset.
Håpar å sjå deg der!
På 17. mai vert det kransenedlegging ved grava til Ivar Aasen på Vår Frelsers Gravlund, kl 9.15. Magnhild Folkvord skal halda tale, og Kristina Leganger Iversen les dikt. Etter kransnedlegginga vil styret i SmiO dra vidare til kaffistova, og då er det berre til å vera med!
Du kan og få med deg BUL dansa fremst i barnetoget, og dei arrangerar og Brosteinsball på Universitetsplassen kl. 18.14!
Håpar å sjå deg der!
Onsdag 16. mars vert det bokbad med Kjartan Fløgstad på Kjellern i Helga Engs hus på Blindern kl 19.00.
Det kostar ingen ting, og det er open bar der ein kan kjøpa seg noko å drikke.
SmiO har årsmøte onsdag 2. februar kl. 19.00 i Harriet Holters hus på Blindern, UiO. Etter årsmøtet går me på Kafé Abel for å eta. Lenkje til sakpapir kjem når dei er klare.
Ivar Aasen-instituttet ved Høgskulen i Volda inviterer for andre gong til ein nynorsk fagdag i Oslo. Fagdagen tek til i Auditorium 4 i Eilert Sundts hus på UiO.
Dette er eit samarbeid med Norsk Ordbok 2014 og med Institutt for lingvistikk og nordistikk ved UiO. Dagen tek sikte på å presentere nyare avslutta arbeid i Volda-miljøet på fagfeltet nynorsk skriftkultur. Føredragshaldarane er tilsette ved Høgskulen i Volda, Høgskulen i Sogn og Fjordane, Nynorsksenteret, og Nynorsk kultursentrum.
Dei to første føredragshaldarane har dei siste åra teke doktorgraden på nynorsk skriftkulturs historie. På seminaret skal den nye boka til Oddmund L. Hoel lanserast. Ho er ein omarbeidd versjon av doktoravhandlinga hans.
Fredag 18.2.2011 Aud. 4 i Eilert Sundts hus
10 Velkomst v/ Åse Wetås (NO 2014)
10.15 Jens Johan Hyvik: Ivar Aasen og tokulturlæra
10.45 Lansering av den nye boka til Oddmund J. Hoel: Mål og modernisering 1868-1940. Norsk målreising. Band II v/ Sverre Tusvik
11 Oddmund L. Hoel: Det nynorske byproblemet
11.30 Lunsj
12.30 Stephen J. Walton: Nynorsk skriftkultur, utfordrande og utfordra
12.45 Marit Wadsten: Nynorske doktorgradar – frå 0 til 15 på hundre år!
13.15 Hjalmar Eiksund: Nynorsk på leselista. Om lesinga til ungdom på fritida
13.45 Pause
14 Anders Aanes: Forvirring eller frigjering? Om kunnskap og haldningar til variasjon og valfridom i nynorsk
14.30 Bjørg Nesje Nybø: Nynorsk – ei revitalisering av norsk?
15 Kommentar v/ Johan Tønnesson (Sakprosa) og Sverre Tusvik (Samlaget), ordskifte
15.30 Slutt
I eksamensoppgåva i kvalitativ metode på masternivå i sosiologi fann leiar for SmiO, Jens Kihl, heile 22 skrivefeil – nesten like mange som det var liner på sjølve oppgåva. Les saka i Universitas, eller på nett på http://universitas.no/nyhet/55598/-barneskolenynorsk-ved-uio/